ମୁମ୍ବାଇ: ଆସନ୍ତା ମାସ ୧୯ ତାରିଖରୁ ୟୁଏଇରେ ଖେଳାଯିବାକୁ ଥିବା ଆଇପିଏଲ୍-୧୩ ପାଇଁ ନେଟ୍ ବୋଲରଙ୍କ ଆଭାବ ପଡ଼ିବ। ବିଶେଷ କରି ସଙ୍ଗରୋଧ ନିୟମ କାରଣରୁ ସ୍ଥାନୀୟ ଖେଳାଳିଙ୍କୁ ବ୍ୟବହାର କରିବା ସୁଯୋଗ ମିଳିବା ସମ୍ଭାବନା ରହୁନଥିବାରୁ ବିଭିନ୍ନ ଫ୍ରାଞ୍ଚାଇଜ୍ ଏବେ ଭାରତରୁ ସେମାନଙ୍କ ମନୋନୀତ ନେଟ୍ ବୋଲରଙ୍କୁ ନେଇ ୟୁଏଇ ଯିବା ଯୋଜନା କରିଛନ୍ତି। ଏହା ଛଦ୍ମବେଶରେ କିଛି ଯୁବ, ଉଦୀୟମାନ କ୍ରିକେଟରଙ୍କ ପାଇଁ ସୁବର୍ଣ୍ଣ ସୁଯୋଗ ଭଳି ହେବ। ସମସ୍ତ ୮ ଫ୍ରାଞ୍ଚାଇଜ୍ ପ୍ରାୟ ୫୦ ଜଣ ନେଟ୍ ବୋଲରଙ୍କୁ ନେବା ଯୋଜନା କରିଛନ୍ତି। ସେମାନଙ୍କ ମଧ୍ୟରେ ୧୦ ଜଣ ବିଶେଷ ତଥା ବିରଳ ବୋଲର ସାମିଲ ଥିବା ସୂଚନା ମିଳିଛି। ଚେନ୍ନାଇ ସୁପର୍ କିଙ୍ଗସ ଏବଂ କୋଲକାତା ନାଇଟ୍ ରାଇଡର୍ସ ଏ ସମ୍ପର୍କରେ ସ୍ପଷ୍ଟ କରିସାରିଛନ୍ତି। ନେଟ୍ ବୋଲରଙ୍କ ମଧ୍ୟରେ କିଛି ଉଦୀୟମାନ ରଣଜୀ ଖେଳାଳିଙ୍କ ସହିତ ୧୯ ବର୍ଷରୁ କମ୍ ଏବଂ ୨୩ ବର୍ଷରୁ କମ୍ ବର୍ଗର କ୍ରିକେଟର୍ ରହିଛନ୍ତି। ବହୁ ବାମହାତୀ ସ୍ପିନର୍ ଓ କଚଟି ସ୍ପିନର୍ ଏହି ୫୦ ଜଣିଆ ତାଲିକାରେ ରହିଥିବା ସୂଚନା ମିଳିଛି।
from ଖେଳ – Sambad https://ift.tt/31KAGnw
0 Comments